Nú er í boði að stofna innkaupapöntun hjá öðrum Konto notendum. Með öðrum orðum þá gerir það þér kleift að senda öðrum notendum pantanir fyrir vörum eða þjónustu í gegnum Konto. Þú getur verið viss um að fá rétt vöruheiti, númer og tilvísun á viðkomandi rafrænum reikningi sem berst í kjölfarið sem einfaldar sjálfvirka bókun í þínu viðskiptakerfi. Jafnframt geturðu verið viss um að hann muni berast rétta leið í gegnum skeytamiðil, ef við á. 

Til þess að nýta þessa nýjung þarftu að virkja þjónustuna Senda inn pantanir.

(Einungis er í boði að stofna pantanir og beiðnir í gegnum einföld API köll) 

Undir Aðgerðir og umsjón er að finna Tilboð umsjón (ath þessi valmöguleiki birtist aðeins þeim sem eru í greiddri áskrift)

Þar hefurðu yfirlit yfir öll tilboð sem þú hefur sent og getur einnig sent ný tilboð

Með því að smella á ákveðið tilboð færðu upp lista yfir þær aðgerðir sem þú getur framkvæmt. Ef þú smellir á Búa til reikning út frá tilboði þá stillir kerfið upp fyrir þig drögum að reikningi sem er alveg eins og tilboðið. Þú getur síðan breytt reikningum eins og hentar áður en þú sendir hann

Þú getur einnig sent tilboð með því að velja Senda reikning á stjórnborðinu og velja síðan Senda tilboð

Undir Aðgerðir og Umsjón er að finna Afhendingarseðlar umsjón (ath þessi valmöguleiki birtist aðeins þeim sem eru í greiddri áskrift)

Þar hefurðu yfirlit yfir alla afhendingarseðla sem þú hefur útbúið og getur einnig útbúið nýjan afhendingarseðil

Með því að smella á ákveðinn afhendingarseðil færðu upp lista yfir þær aðgerðir sem þú getur framkvæmt. Ef þú smellir á Búa til reikning út frá afhendingarseðli þá stillir kerfið upp fyrir þig drögum að reikningi sem er alveg eins og afhendingarseðilinn. Þú getur síðan breytt reikningum eins og hentar áður en þú sendir hann

Þú getur einnig útbúið afhendingarseðil með því að velja Senda reikning á stjórnborðinu og velja síðan Senda afhendingarseðil

Notendur þurfa að vera í FRÆ áskriftarleiðinni (eða stærri) til þess að veita öðrum umboð.

–> Ef þú fékkst boð um að tengjast frá umboðsaðila/bókara (og þú vilt tengjast) verður þú fyrst að smella á hlekkinn í tölvupóstskilaboðunum til að samþykkja boð um tengingu. Nýir notendur sem koma inn eftir boð frá umboðsaðila fá einn mánuð frítt til að prófa.

Umboðsaðilar geta skoðað og skráð viðskiptavini, vörulista, reikninga, kostnaðarskráningu og skýrslur.

Fullkomið fyrir bókara og aðra aðila sem þú vilt að geta haft aðgang að reikningakerfinu þínu. 

Bókarar geta skráð sig frítt á Konto og sent þér boð um tengingu. Þú getur einnig sent þeim boð (á þeirra netfang) og bentu þeim þá að skrá sig í Konto. Bentu þeim þá einnig á þennan hlekk: hvernig eigi að gerast umboðsaðili.

Notendur Konto geta nú veitt þriðja aðila aðgang að Konto reikningakerfinu.

Lausnin er ókeypis fyrir umboðsaðila (aðgengileg sem viðbót í Grunnur áskriftarleiðinni).

Umboðsaðilar geta verið með einn aðgang fyrir marga viðskiptavini (tengda aðila). Einfaldlega hoppaðu á milli notenda til að skoð reikninga, kostnaðarskráningu og skýrslur, auk þess að stofna reikninga, viðskiptavini, vörur og skrá kostnað. 

Fullkomið fyrir bókara og aðra aðila sem geta haft aðgang að reikningakerfinu hjá mörgum aðilum í gegnum einn einfaldan aðgang.

Sem skráður umboðsaðili getur þú sent boð um að tengjast á netföng. Ef viðkomandi er ekki notandi eða ekki í greiddri áskrift, þá fær viðkomandi að prófa ókeypist í einn mánuð.

Notendur geta einnig valið að senda boð um að tengjast á umboðsaðila með sambærilegum hætti. Umboðsaðili fær boð um tengingu með tölvupósti og virkjar tengingu með því að smella á hlekkinn í tölvupóstinum til að samþykkja boðið. Eftir að tengingin er komin á, birtist viðkomandi notandi í ljósbláu stikunni til vinstri. Smelltu á notandann til að innskrá þig sem þessi notandi. Hafðu músarbendilinn fyrir ofan til að sjá fullt nafn.

Viðskiptavinir geta nú auðkennt sig með rafrænum skilríkjum, bæði við nýskráningu og innskráningu. 

Mögulegt er að tengja marga aðganga við eitt rafrænt skilríki. En það er einungis hægt að nýskrá sig einu einu sinni með rafrænum skilríkjum.

Ef þú vilt tengja aðgang sem þú ert nú þegar með við rafræna skilríkið eða tengja fleira en einn aðgang við rafræna skilríkið þá ferðu í Stillingar > Notendaupplýsingar og velur þar island.is logoið og í skráir í kjölfarið inn símanúmer og lykilorð fyrir rafræna skilríkið.

Næst þegar þú skráir þig þá geturðu smellt á island.is logoið og auðkennt þig með rafrænu skilríkjunum. Ef fleiri en einn aðgangur hefur verið tengdur við rafræna skilríkið þá færðu upp valmynd þar sem þú velur inn á hvaða aðgang þú vilt skrá þig.

Á yfirliti Viðskiptavina er valmöguleiki til að hlaða inn lista úr Excel (ath ekki í boði í Grunnur áskrift)

Veldu Excel táknið (X myndin) til að sækja sniðmátið

Settu inn nauðsynlegar upplýsingar um þá viðskiptavini sem þú vilt bæta við og vistaðu skrána

Síðan velur þú að hlaða inn þinni skrá (Choose file), velur skrána og smellir síðan á Hlaða inn lista úr Excel

Kerfið birtir þér síðan staðfestingarskilaboð með upplýsingum um hvernig gekk. Fram kemur hversu mörgum viðskiptavinum var bætt við, hverjir voru þegar til og voru því uppfærðir og að lokum er tekið fram ef einhver villa kom upp – líklegasta skýringin er þá að kennitala hafi ekki verið rétt slegin inn

Undir Aðgerðir og Umsjón getur þú valið að Hópar

Þú hefur yfirlit yfir núverandi hópa og getur valið að skrá nýjan

Með því að velja ákveðinn hóp færðu upp valmöguleika til að senda reikning eða skoða yfirlit yfir meðlimi í hópnum

Í yfirliti yfir meðlimi getur þú bætt viðskiptavinum við hópinn og fjarlægt þá með einföldum hætti

Til að bæta viðskiptavinum í hópinn þá getur þú leitað eftir nafni eða kennitölu

Undir Viðbótarupplýsingar á viðskiptavinaspjaldinu geturðu séð í hvaða hópi, einum eða fleiri, viðkomandi viðskiptavinur er

Þegar þú ert að senda reikning þá getuðu valið að senda reikning á ákveðinn hóp með því að velja hann neðst í vallistanum yfir viðskiptavini

Ef þér tekst ekki að setja upp SMTP þjónustu með google, þá getur ein af þessum leiðum hjálpað þér að koma á tengingu og byrja að senda konto reikninga frá þínu léni.

Fyrir Google Apps Business notendur, er hægt að koma á tengingu með því að opna fyrir “less secure apps” með því að fara í Account stillingar og velja að virkja þennan möguleika.

Fyrir gmail notendur, þá var þessi lausn afvirkjuð 2022 og ný krafa sett um að nýta APP Passwords í staðinn fyrir less secure app leiðina. Til þess að setja upp App Password og senda konto reikninga frá þínu netfangi, fylgdu þessum leiðbeiningum:

1. Virkjaðu “2-Step Verification” (einnig þekkt sem “Two Factor Authentication”)
2. Veldu að bæta við APP Password fyrir Konto SMTP

Ef “App Passwords” er ekki á yfirlitssíðunni eftir að hafa virkjað #1, þá verður að smella á 2-Step Verification og þar undir er hægt að verlja App Passwords

Svo verður að velja að búa til lykilorð

Svo notar þú þetta lykilorð til að setja upp SMTP í Konto

Fyrir nánari útlistun, sjá þráð hjá Google með hlekk hér fyrir neðan.

https://support.google.com/accounts/answer/185833?hl=en

Í Konto er mögulegt að hlaða inn þínum vörulista, t.d. úr bókhaldskerfi.

Til að gera það velurðu: Vörulisti – Hlaða inn lista úr Excel.

Því næst opnarðu Excel skrána og færir þar inn upplýsingar um vörulistann þinn.

Þú verður að fylla út dálka A-E: Vörunúmer, Lýsing, Eining, VSK og Einingaverð (án VSK).

Dálkarnir F og G (Flokkur og Virkur) eru valkvæðir.

• Vörunúmer getur innifalið bæði tölu og bókstafi
• Eining þarf að vera eitt af eftirfarandi
  • stk
  • kg
  • m
  • Dagar
  • klst
  • min
  • m2
  • m3
  • km
• Í reitinn VSK þarf að skrá S, AA eða Z.
  • S = 24%
  • AA = 11%
  • Z = 0%
• Einingaverð (án VSK) skal skráð án þess að nota kommur eða punkta.
• Flokkur er valkvætt
• Virkur er valkvætt (1 = virk, 0 = óvirk). Ef vara er merkt sem óvirk þá birtist hún ekki sem valmöguleiki þegar þú ert að stofna reikning.

Sjá óútfyllt excel skjal hér.